Gullrósa tjáir sig um allt og ekkert...

Það er eitthvað við...

2007-05-10T13:09:00.000-07:00

...Eirík Hauksson sem mér finnst sexý... ;)

...en shit hvað mér finnst Sigmar EKKI fyndinn...

Shopaholic

2007-05-07T11:34:00.000-07:00

Verslunaræði heltók mig um helgina. Ég keypti kápu, tvenna skó, kjól, flíspeysu og 2 jólagjafir og það í maí! Geri aðrir betur... ;) Eins og það er gaman að versla þá fæ ég nett samviskubit yfir allri þessari eyðslu. Ég hef því ákveðið að læsa buddunni þar til um næstu mánaðarmót.

Helgin...

2007-04-30T16:55:00.000-07:00

Helgin var fín. Spókaði mig um miðbæ Reykjavíkur á föstudagskvöldið og virti fyrir mér öll fallegu húsin og tréin. Á laugardaginn gekk ég niður Laugaveginn í góða veðrinu og skoðaði í búðarglugga. Keypti mér ógeðslega flotta tösku í Marimekko. Ekki amalegt það. Fékk mér síðan kaffi á Segofredo og settist á rónabekk og virti fyrir mér mannlífið. Bakaði pitsu um kvöldið og skellti mér svo í smá selskap. Tók ansi vel á því og var næstum því lúgbarinn af svertingjagengi í bænum. Átti síðan góðan þynkudag á sunnudaginn og úðaði í mig sælgæti, snakki og gosi. ;)

Fyrirmyndar húsmóðir...

2007-04-23T16:36:00.000-07:00

Það er ótrúlegt hvað ég er orðin mikil húsmóðir. Húsmóðureðlið er sem sagt til staðar eftir allt saman. Eiginmannsefnið er alveg orðlaus! Ég geri ekki annað en að taka til, þvo þvott, elda og baka og finnst það bara þræl gaman! Já, þið lásuð rétt. Mín tók sig til í kvöld og bakaði sína fyrstu eplaköku! Ég er alveg ótrúlega stolt af sjálfri mér! Eplakakan heppnaðist bara vel en var reyndar ekki alveg jafn góð og hjá Hönnu en æfingin skapar meistarann - ekki satt...
Annars er allt gott að frétta. Fórum í fermingu til frænku minnar á sumardaginn fyrsta. Þegar ég mætti fyrst á svæðið leit ég í kringum mig og sá öll kunnugleg andlitin og hugsaði sjetturinn, hvað þetta á eftir að verða leiðinlegt. Ekkert pínlegra en að þurfa tala við fjarskylda ættingja sem maður þekkir ekki bofs! En mín tók sig til og ákvað bara að vera ógeðslega hress og rugla nógu mikið í gamla fólkinu og viti menn það varð svona líka skemmtilegt! ;)
Helgin var róleg og góð, blandaði mér mojito, horfði á Hotel Rwanda og grenjaði úr mér augun, dauðhreinsaði íbúðina, setti í 4 þvottavélar, fór í Smáralindina, heimsótti mömmu og pabba, fíflaðist með systrum mínum o. fl. Strax farin að hlakka til næstu helgi - aldrei að vita nema ég fái mér þá aðeins í aðra tánna!

Þetta var blogg dagsins. Ætla fara undirbúa mig fyrir viðtal á morgun. Addios amigos.

Blablabla...

2007-04-15T05:44:00.000-07:00

Jæja, gott fólk. Efast reyndar um að nokkur lesi þetta blogg en hvað um það. ;) Maður er alveg hættur að nenna að pára hér inn. Annars er allt gott að frétta. Ýmislegt skemmtilegt hefur drifið á daga mína. Ég fór á fyrirlestur hjá henni Helgu vinkonu sem bar heitið: Valkyrjur, hórur og heilagar meyjar: Ímyndir og hlutverk írskra yfirnáttúrlegra kvenna, sem var einkar fróðlegur og áhugaverður! Hún á hrós skilið stelpan fyrir að standa sig vel! :) Páskafríið var kærkomið - algjör lúxus að fá 5 daga frí! Þessir 5 dagar fóru nú mest megnis í afslöppun og át en einnig í tiltekt og dútl í íbúðinni. Hins vegar voru þessir 5 dagar bara allt of fljótir að líða. Herfurnar (þ.e. sá hluti sem var á landinu og gat komist á annað borð) tóku sig saman í andlitinu og mæltu sér mót á Vegamótum og áttu saman góða stund þar. Hittumst síðan nokkrar í saumó hjá henni Sollu í vikunni til að líta hana Helgu okkar augum en það er allt of langt síðan við hittum hana síðast. Stelpan sú tilkynnti okkur aldeilis gleðitíðindi og óska ég henni innilega til hamingju! Stefnan er síðan sett á Herfu-partý og dulspeki og spádómskvöld í maí. Er það ekki annars stelpur? Helgin var fín. Var reyndar að drepast úr túrverkjum allt föstudagskvöldið, hef ekki verið svona í mörg ár! Á laugardaginn gengum við eiginmannsefnið niður Laugaveginn og spókuðum okkur um í miðbænum. Ég tók síðan rækilega til í íbúðinni og svo leigðum við okkur spólu um kvöldið og höfðum það huggulegt. Myndin The Holiday varð fyrir valinu - full væmin fyrir minn smekk en held að eiginmannsefnið hafi verið að fíla hana í tætlur! ;) Í dag á pabbi gamli afmæli og því er stefnan sett á að kíkja á fjölskylduna, kyssa hana og knúsa og tjá þeim ást mína á þeim! :) Já, maður verður væminn með aldrinum. Eigið góða helgi. Addios amigos.

I'm back...

2007-03-31T15:09:00.000-07:00

Komst loksins inn á þetta blessaða blogg. Ég er sem sagt á lífi. Búin að vera vinna eins og mófó alla daga. Yfirmaður minn talaði um að kveikja í vinnuskýrslunni minni svo rosaleg var hún! ;) Síðasta vika var hins vegar mjög róleg. Blogga meira við tækifæri. Ég er að spá í að skella mér í bíó, enda mjög langt síðan ég fór síðast. Held ég hafi síðast farið á Mýrina.

Blogg - hef ekki tíma fyrir svoleiðis...

2007-02-11T11:42:00.000-08:00

Blogg segiði...ég hef bara frá engu frásögufærandi að segja. Vinn alla daga frá 9-12 og á ekki einu sinni frí um helgar! Kröfuhart fólk sem ég vinn fyrir! ;) Ég gæti tekið upp á því að skrifa eitthvað upp úr dagbókarfærslum mínum en held ég sleppi því í þetta sinn. ;)

Langur vinnudagur...

2007-02-05T15:40:00.000-08:00

Vinna frá kl. 9-11:30! Já, já...

I'm so happy! :)

2007-01-31T11:15:00.000-08:00

Tilgangur lífsins:

2007-01-21T05:31:00.000-08:00

...er að sleppa taki af fortíðinni og óttast ekki morgundaginn, þ.e. að lifa í núinu.

Ég er þjónustupíka...

2007-01-15T15:23:00.000-08:00

Dauðuppgefin...

2007-01-14T09:26:00.000-08:00

Ég er dauðuppgefin. Búin að vera vinna alla vikuna og um helgina. Á laugardaginn frá 11-8 og í dag frá 10-3. Ég var samt alveg eldhress eftir vinnu í gær og eldaði kjúlinga burritos og bakaði síðan vöfflur í desert með rjóma og sultu. Svei mér þá sem maður er orðinn myndarlegur. Skellti mér síðan í bað til að slaka á eftir herlegheitin. Fór síðan í Kringluna eftir vinnu í dag og ætlaði að kaupa fullt af hlutum eins og meik, dragtbuxur, peysur, nærbuxur, svitalyktaeyðir, vítamín o.s.frv. Það gekk hins vegar ekki alveg skv. áætlun. Meikið sem ég ætlaði að kaupa var ekki til í mínum lit, nærbuxurnar voru heldur ekki til og dragtbuxurnar ekki til í minni stærð. Þannig að ég endaði bara á því að kaupa tvær rúllukragapeysur. Lítur allt út fyrir að ég verði áfram í sömu buxunum út þessa viku! Jibbý... Svo er það afmæli hjá tengdó í kvöld. Má samt ekki taka of vel á því enda stór dagur á morgun. Þar til síðar. Lifið heil.

Allt að ske...

2007-01-10T12:48:00.000-08:00

Best að pára eitthvað inn á þetta blogg. Það helsta í fréttum er að ég er búin að skila ritgerðinni ógurlegu og er flutt að heiman og byrjuð í nýrri vinnu! Nú er bara að koma sér inn í nýjan rythma sem gengur að miklu leyti út á að sofa, borða og vinna. Helgin fór annars í málningarvinnu og fleira dútl í íbúðinni og er ýmislegt sem á enn eftir að gera í þeim málum, eins og mála hurðar, taka upp úr kössum o.s.frv. Sé fram á annasamar helgar framundan. Fór svo í þrettándaboð til tengdó um helgina og partý hjá Hönnslunni, þar sem teknar voru ansi skrautlegar myndir af grófari taginu. Nokkrir draugar buðu sér í partýið og vildu líka vera með á myndunum, sérstaklega þeim sem voru teknar af Örnu, enda var hún óvenju þokkafull þetta kvöld. ;) Ég lagði reyndar ekki í það að fara með stúlkukindunum í bæinn enda var ég á gullskónum og hefði sjálfsagt flogið beint á hausinn. Annars keyptum við okkur þvottavél um helgina og nú ég er komin með æði fyrir að þvo! Spurning hvað það eigi eftir að vara lengi. ;)

Insane or cursed?

2007-01-03T17:28:00.000-08:00

Skrýtnir hlutir gerast í kringum mig, sérstaklega þegar ég er ein heima. Rafmagnið fer af húsinu, græjurnar kveikja á sér af sjálfu sér og rauð ljós blikka á ofni sem er slökkt á.

Geðveiki...

2007-01-01T07:23:00.000-08:00

Gleðilegt nýtt ár. Eina orðið sem kom upp í hugann í gærkvöldi var orðið GEÐVEIKI! Mér finnst Íslendingar geðveikir! Ég ætlaði að taka þátt í geðveikinni með því að gera eitthvað klikkað eins og að brjóta glas en pabbi bannaði mér það. Ég skildi ekki afhverju. Hann sagði að ef ég vildi gera eitthvað flippað þá gæti ég bara farið og pissað út í garði. Ég hélt nú ekki, enda fannst mér það ekki nógu geðveikt. Ég meina hver hefur ekki einhvern tímann pissað út í garði í neyð? Mamma sagði að ég gæti fengið að brjóta glas þegar ég væri búin að skila ritgerðinni. Sjáum til með það... Annars er ég að sligast undan þreytu en partýið verður að halda áfram!

Bömmer!

2006-12-30T08:51:00.000-08:00

Við leiðréttingu villna verða til nýjar villur.

Játning:

2006-12-29T15:39:00.000-08:00

Ég væri alveg til í að hraðspóla yfir gamlárskvöld. Að mínu mati er óttalegur tryllingur, hávaði og subbuskapur sem fylgir þessu kvöldi! Ég er strax komin með hausverk, við tilhugsunina! Afhverju getur fólk ekki tekið á móti nýju ári með gleði og friði í hjarta? ;)

Svefn...

2006-12-28T14:42:00.000-08:00

Ég fór að sofa kl. 5 í nótt, þar áður fór ég að sofa kl. 4. Klukkan er núna 11 um kvöld. Ef ég fer ekki bráðum að sofa er ég hrædd um að ég eigi eftir að verða hættuleg sjálfri mér og öðrum.

Ritgerðarmál...

2006-12-27T16:51:00.000-08:00

Þá er ég búin að stytta ritgerðina í leyfilega hámarkslengd sem er 120 síður. Eftir stendur:

- Renna yfir ritgerð í leit að villum
- Laga bls. töl í dóma og lagaskrá
- Gera efnisyfirlit
- Senda ritgerð í prentun

Hvítlaukur...

2006-12-27T06:24:00.000-08:00

Ég skar hvítlauk á aðfangadag. Hendur mínar anga enn eins og hvítlaukur. Hugsa að ég setji á mig hanska næst þegar ég meðhöndla hvítlauk.

Gleðileg Jól...

2006-12-26T03:52:00.000-08:00

...og farsælt komandi ár... Þá er ég sest aftur við tölvuskjáinn eftir nokkra daga fjarveru. Dagskráin er búin að vera þéttsetin. Jólahlaðborð með stórfjölskyldunni í Perlunni þann 21., boð til minningar langömmu og langafa þann 22., tiltekt og undirbúningur þann 23., amma í mat þann 24. og jólaboð í gær, þann 25. og fleiri boð framundan! Aldrei friður... Ég sem hélt að jólin snerust um að finna frið í sálinni og slappa af? Það er nú varla hægt í öllum þessum hamagangi. Fékk margt fallegt í jólagjöf að vanda þ. á m. eitt stykki þurrkara, örbylgjuofn, ljósakrónu og vöflujárn. Kemur sér mjög vel í búið! ;)

Er einhver kominn í jólaskap?

2006-12-20T16:36:00.000-08:00

Alltaf lærir maður eitthvað nýtt...

2006-12-20T04:32:00.000-08:00

Samkvæmt íslenskri málstöð á að skrifa orðið ennfremur í tveimur orðum: enn fremur! Ég sem hef skrifað þetta orð í einu orði síðastliðin ár án nokkurra athugasemda! Iss, mér finnst það miklu flottara í einu orði.

Blogg...

2006-12-17T13:22:00.000-08:00

Jæja, þá er ég búin að kaupa allar jólagjafirnar og vika í jólin! Þetta hefur ekki gerst síðan ég veit ekki hvenær - einhvern tímann á síðustu öld! ;) Gott að vera búin að þessu. Venjulega er ég ráfandi um á Þorláksmessu í leit að gjöfum eins og álfur út úr hól. Núna get ég bara chillað fram að jólum! ;) Annars er helgin búin að fara í málningarvinnu í íbúðinni sem við skötuhjúin ætlum að leigja tímabundið. Íbúðin var öll gul og dökk blá þannig að síðustu 2 vikur eru búnar að fara í stúss við að gera íbúðina fína. Eiginmannsefnið er búin að standa sig eins og hetja í þeim efnum og á svo sannarlega hrós skilið. Það tekur sko á að mála, er með þvílíka strengi á mjög svo skringilegum stöðum. ;) Þar til síðar... Addios...

Click...

2006-12-16T04:23:00.000-08:00

Horfði á myndina Click í gær. Væntingarnar voru nú ekki miklar en myndin var nú bara skemmtileg, hló alveg nokkrum sinnum! Boðskapur myndarinnar er að lifa í núinu og njóta líðandi stundar með fjölskyldu og vinum. Boðskapur sem ég ætti að taka mér til fyrirmyndar! ;)

Ilmkerti...

2006-12-13T04:01:00.000-08:00

Ég mæli með bolsius ilmkertunum, sem fást b.t.w. í Bónus. Ólíkt mörgum öðrum ilmkertum þá er mjög sterk lykt af þeim, og anganin berst um allt húsið. Svona ilmkerti eru alveg nauðsynleg til að hreinsa orkuna í híbýlum okkar á drungalegum vetrardögum! ;)

Forskot á sæluna...

2006-12-10T06:43:00.000-08:00

Fór á jólahlaðborð í gær á Nordica með vinnufélögum eiginmannsefnisins. Ellen og KK sáu til þess að það skapaðist notaleg jólastemning. Er ennþá södd, enda át ég yfir mig af creme brulee og ris alamond. Maður er bara hálf eftir sig eftir allt þetta át! ;)

Þá er komið að því...

2006-12-04T03:03:00.000-08:00

Ástand...

2006-11-26T14:01:00.000-08:00

Ástandið er orðið frekar slæmt:

1) Datt á hausinn. Afleiðing: búin að ganga um eins og sé sé með staurfót í 3 daga.

2) Kalla fólk öðrum nöfnum en það heitir í raun - karlmenn bera jafnvel kvenmannsnöfn.

3) Steingleymdi partý, sem mér var boðið í. Mundi það daginn eftir...

4) Braut glas og desertskál. Óvart reyndar. Ástandið er ekki ennþá orðið það slæmt að ég sé farin að kasta hlutum og brjóta viljandi... ;)

Uppgötvun dagsins:

2006-11-26T06:19:00.000-08:00

Ég kann alls ekki að nota kommur. Hef greinilega verið sofandi í íslenskutímum í Kvennó - þegar farið var í kommufræðina. ;)

Setningarhlutar dagsins:

2006-11-23T12:30:00.000-08:00

- Þess ber að geta...

- Í þessu sambandi ber að nefna...

- Með hliðsjón af framangreindu verður að telja...

I feel like a traitor

2006-11-22T16:00:00.000-08:00

Áfram með partýið...

2006-11-22T03:01:00.000-08:00

Litla vinkona mín...

2006-11-20T12:26:00.000-08:00

Ég á litla vinkonu sem bankar stundum upp á og spyr gjarnan hvort ég eigi eitthvað að borða handa sér, hvort hún megi fara út í göngutúr með hundinn, hvort ég nenni að koma með henni að hoppa á trampólíninu eða hvort hún megi koma í heimsókn og skoða fjársjóðaskrínið. Og ef ég kem ekki strax til dyra, þá kallar hún nafnið mitt í gegnum bréfalúguna þannig að það ómar um allt húsið. Þrátt fyrir að þessi litla stúlka sé stundum full ákveðin (lesist: frek) og óstýrlát þá hefur hún gefið mér svo ótrúlega mikið. Á því tímabili í lífi mínu sem ég sá ekki ljósið fyrir myrkrinu hjálpaði hún mér að skynja fegurð lífsins á ný. Það hvarflar því stundum að mér að það hafi ekki verið tilviljun ein að leiðir okkar lágu saman.

Blogg...

2006-11-10T11:42:00.000-08:00

- Jæja, ætli maður verði ekki að blogga smá. Gengur ekki að hafa þessa fucking boring færslu, sem efstu færslu til eilífðarnóns! ;) Fór að sjá Mýrina í gærkvöldi. Ég er ekki frá því að þetta hafi verið ein besta íslenska kvikmyndin sem ég hef séð ásamt Englum Alheimsins. Mæli allavega með henni og sé ekki eftir peningnum. (enda borgaði ég ekki - tíhí...) Ingvar Sigurðsson var stórkostlegur að vanda og þrátt fyrir að ég hafi ímyndað mér Erlend allt öðruvísi útlitslega séð, þá kom það ekki að sök.

- Já, og svo er ég búin að komast að því að ég er með valkvíða á háu stigi, þar bættist við enn ein kvíðaröskunin! ;)

- Annars er ég að spá í að hætta að blogga í bili. Hef hvort sem er ekki frá neinu áhugaverðu að segja. En þar til síðar...tútúlú....

F fyrir...

2006-11-05T10:12:00.000-08:00

...fucking boring...

Neyðarheimild

2006-11-03T10:13:00.000-08:00

Rétturinn til að synja laganýmælum EB á þeim sviðum sem EES-samningurinn nær til er vissulega fyrir hendi. En í reynd er hann þó verulega takmarkaður vegna stjórnmálaþrýstings og hættu á gagnráðstöfunum. Þess er vænst að EFTA-ríkin fylgi þróun EB-réttar þannig að einsleitni náist milli hans og EES-réttar. Það úrræði að hafa fyrirvara eða synja nýjum lögum samþykkis er því eins konar neyðarheimild.

Hið fullvalda ríki...

2006-11-02T06:18:00.000-08:00

Samkvæmt kenningum John Austin um lögin var eina uppspretta laganna fyrirmæli þeirra aðila eða stofnana sem fóru með ríkisvald í tilteknu samfélagi. Í ríkisvaldi fólst annars vegar, að þegnar tiltekins samfélags hlýddu almennt fyrirmælum einhvers aðila eða stofnunar. Hins vegar að þessir aðilar eða stofnanir væru sjálfstæðar þannig að þær hlýddu ekki fyrirmælum neinna annarra. Þær væru með öðrum orðum sjálfstæðar eða fullvalda. Samkvæmt hugmyndum Austin gat hið fullvalda ríki ekki takmarkað valdheimildir sínar með lagalega bindandi hætti án þess að fullveldi þess liði þar með undir lok. Þetta þýddi einnig að eins lengi og ríkið var fullvalda hlaut handhöfum ríkisvalds að vera lagalega heimilt að beina þeim fyrirmælum til þegnanna, sem þeim sýndist, án tillits til skuldbindinga sem ríkið hafði tekist á hendur gagnvart öðrum ríkjum. Alþjóðleg lög höfðu því ekkert sjálfstætt réttarheimildarlegt gildi í hinu fullvalda ríki nema að því marki sem vilji handhafa ríkisvalds stóð til þess.

Úrelt viðhorf...

2006-11-01T04:44:00.000-08:00

Þetta er óborganlegt! Síðast þegar ég vissi þá voru mannréttindamál ekki einkamál einstakra ríkja! Jógvan á Lakjuni er alveg einstaklega málefnalegur... FÆREYJAR BEST Í HEIMI...Þetta er kannski ástæðan fyrir fordómum Íslendinga í garð Færeyinga. Er hægt að vera meira sveitó? Wake up! - við lifum á 21. öldinni!!

Samstarfsráðherra Færeyja segir afskipti Rannveigar ótrúleg
Jógvan á Lakjuni, samstarfsráðherra Færeyja, sagði í viðtali við Morgunblaðið um hádegisbil í dag að afskipti Rannveigar Guðmundsdóttur af málefnum samkynhneigðra í Færeyjum væru ótrúleg, en Rannveig tók málið upp í fyrirspurnartíma á þingi Norðurlandaráðs í Kaupmannahöfn í morgun. „Íslendingar eiga ekkert með að skipta sér af innanríkismálum Færeyinga og alls ekki af málum sem eru til meðferðar í færeyska þinginu. Ekki skipta Færeyingar sér af málefnum Íslendinga,“ sagði Jógvan. Hann sagði að norrænar þjóðir ættu frekar að líta til Færeyja eftir fyrirmyndum, frekar en að leyfa sér að gagnrýna færeysku þjóðina opinberlega. Færeyjar væri besta landið á Norðurlöndunum og að færeyska þjóðin hefði kristin og íhaldsöm gildi að leiðarljósi. Hann bætti við að í Færeyjum væri glæpatíðni lægri, hjónaskilnaðir færri og fæðingartíðni hærri en annars staðar á Norðurlöndunum og að Færeyingar ættu að standa vörð um bann við fóstureyðingum. Jógvan á Lakjuni á sem ráðherra ekki sæti á færeyska þinginu en sagði að ef hann ætti þess kost að greiða atkvæði gegn auknum réttindum samkynhneigðra myndi hann gera það.

Diesel

2006-10-29T09:59:00.000-08:00

Fékk síðbúna afmælisgjöf um helgina - diesel gallabuxur. Hefði aldrei tímt að kaupa mér svoleiðis sjálf og ég reyni að forðast það í lengstu lög að fara í 17. Ég þurfti hins vegar að fara þangað í dag til þess að skipta buxunum og fá minna nr. Til að gera langa sögu stutta þá ætla ég ekki inn í 17 á næstunni. Afgreiðslustúlkurnar ráfa bara þarna um og halda sennilega að þær fái borgað fyrir að glápa á spegilmynd sína í stað þess að afgreiða fólk! Allt í lagi að sýna smá þjónustulund. Um leið og ég fann buxur sem pössuðu dreif ég mig út. Var farin að svitna á efri vörinni eftir allt umstangið! ;)

Lalala....

2006-10-27T10:32:00.000-07:00

Ég er ógeðslega dugleg að blogga! Mér finnst ég eigi að fá verðlaun! Ekki aðeins er bloggið mitt með eindæmum skemmtilegt heldur er það líka einstaklinga fræðandi og upplýsandi. Hverjir aðrir blogga t.d. um þingræði og fullveldisframsal í EES-samningnum? Annars segi ég bara allt ljómandi gott. Varð árinu eldri í gær. Fékk þó nokkrar afmæliskveðjur frá vinum og vandamönnum og fallegar gjafir. Ég sem hélt að maður fengi ekki lengur afmælisgjafir þegar maður væri orðinn svona gamall. Ég fékk nýja diskinn með Hildi Völu, geggjaðar snyrtivörur frá L'occitane búðinni og Channel fartölvu-tösku! Aldeilis flott. Það kann að hljóma ótrúlega en ég er að fíla veðrið núna - alveg í ræmur. Rigning og rok - I LOVE IT! Fór í göngutúr áðan í brjálaða veðrinu og svei mér þá hvað þetta var hressandi. Sit hérna núna með ofninn í botni, í flíspeysu með hettu (og hettan er btw á höfðinu), í hlýjum inniskóm og með sjal um mig miðja. Svo kosý eitthvað! ;)

26 ár

2006-10-26T03:38:00.000-07:00

...og stúlkan varð 1 árinu eldri, án þess að vera beðin um leyfi...

Fullveldisframsal í EES vs. ESB

2006-10-25T05:48:00.000-07:00

Hans Petter Graver, lögfræðiprófessor við Óslóarháskóla, telur að þegar rætt er um muninn á fullveldisframsali, annars vegar í EES og hins vegar í ESB, felist það fyrst og fremst í lagalegri skilgreiningu þess orðs. Í pólitískri merkingu og raunverulegri framkvæmd sé munurinn sáralítill. Hann segir að þótt EES-ríkin geti formlega séð neitað að innleiða reglur ESB sem eiga að falla undir EES-samninginn, þá geti þau það ekki í raun og veru þar sem það myndi spilla einsleitni svæðisins í heild og sjálfum EES-samningnum yrði stefnt í hættu. Því kallaði norski lögfræðingurinn þessa stöðu EFTA-ríkjanna "stjórnskipulegt stórslys".

Þingræði...

2006-10-24T14:54:00.000-07:00

Þingræðisreglan varð til í Englandi á 17. öld. Reglan felur í sér að ríkisstjórnin verður að njóta stuðnings meirihluta þingsins. Þingræði tengist lýðræðishugmyndum og byggir á því að allt vald sé með þjóðinni og að þjóðkjörin fulltrúasamkoma sé æðsta valdastofnun þjóðarinnar. Þingið eitt ákveður hvað eru lög í landinu og ákveður hverjir skulu sitja í ríkisstjórn.

That I would be good...

2006-10-24T08:50:00.000-07:00

Lagið með Alanis Morisette, That I would be good, er uppáhaldslagið mitt þessa dagana. Hugljúft lag með einföldum og fallegum texta, sem færir mikilvægan boðskap. Ég túlka lagið þannig að hamingjan komi innan frá algjörlega óháð ytri aðstæðum og atburðum.

That I would be good
Even if I did nothing
That I would be good
Even if I got the thumbs down
That I would be good
If I got and stayed sick
That I would be good
Even if I gained 10 pounds
That I would be fine
Even if I went bankrupt
That I would be good
If I lost my hair and my youth
That I would be great
If I was no longer queen
That I would be grand
If I was not all knowing
That I would be loved
Even when I numb myself
That I would be good
Even when I am overwhelmed
That I would be loved
Even when I was fuming
That I would be good
Even if I was clingy
That I would be good
Even if I lost sanity
That I would be good
Whether with or without you

(Höf. Alanis Morisette)

Þarf að muna þetta... ;)

2006-10-24T08:17:00.000-07:00

Einveldi í Danmörku var frá 1660-1849.

Norska...

2006-10-23T13:27:00.000-07:00

Mér finnst að það eigi að kenna norsku í grunn- og framhaldsskóla í stað dönsku. Hún er svo miklu léttari og líkari íslenskunni. Ég get lesið þunga lögfræði texta á norsku án þess að blása úr nös og fletta upp í orðabók, þótt ég hafi aldrei lært staf í norsku. Hið sama er hins vegar ekki að segja um dönskuna, sem ég hef þó stúderað í fleiri ár!

Útskrift...

2006-10-22T12:27:00.000-07:00

Útskrift eiginmannsefnisins var á laugardaginn! Mín var viðstödd athöfnina í Háskólabíó ásamt tengdó. Athöfnin var nú dálítið langdregin, toppurinn var auðvitað þegar eiginmannsefnið tók við prófskirteininu og tók í hönd deildarforsetans. Ég og tengdó vorum aðsjálfsögðu sammála um að eiginmannsefnið væri langflottastur á svæðinu! ;) Um kvöldið var síðan smá teiti í Hamarsgerði. Skáluðum í kampavíni, borðuðum ótrúlega góðan mat og fengum gott rauðvín með matnum. Ég át sko á mig á gat. Beið bara eftir því að eiginmannsefnið myndi gefa mér olnbogaskot og segja mér að hemja mig! Vorum síðan alveg dauðuppgefin um 11 leytið og fórum heim að lúlla. (alveg satt...) Athöfnin og allt átið hefur greinilega tekið sinn toll...

Afrek dagsins:

2006-10-20T06:02:00.000-07:00

...tókst að stytta 30 bls. kafla í 15 bls. Þá tekur við að stytta þessar 15 bls. niður í 7 bls. En jæja, er farin í Smáralind to spend some money! Sjáumst!

Á ég að segja ykkur...

2006-10-19T08:26:00.000-07:00

- Ég er ekki að fíla veðrið þessa dagana. Þoli ekki svona mikla sól. Það er komið haust og ég krefst þess að veðrið sé í samræmi við árstíðina. Ég panta rok og rigningu - takk!
- Ég er óvinnufær og óökufær sökum þreytu...
- Ég er líka svöng en það er ekkert gott til að borða...
- Ég þarf að fara kaupa mér nýja eyrnatappa...
- Ég er með sár á þumalfingri og það blæðir...

Föstudagskvöld...

2006-10-15T15:36:00.000-07:00

...eru greinilega orðin pizzu-kvöld...eldaði heimatilbúna pizzu á föstudagskvöldið og í þetta skiptið var kökukefli notað til verksins, sem þýðir betri og þynnri botnar! Þetta er allt að koma! ;) Drakk einnig 2-3 rauðvínsglös með...ekki laust við að ég hafi aðeins fundið á mér. Lá síðan í leti á laugardaginn, tók til og glápti á nokkra LOST þætti og las í bókinni eftir Þráin Bertelson: Dauðans óvissi tími. Manni veitir ekki af smá fríi frá ritgerðarhryllingnum. Ætlaði síðan að kíkja yfir til pönnunnar um kvöldið en sofnaði yfir imbanum þannig að það varð ekki mikið úr þeim áformum! ;) But anyway - On with the butter!

Sýrutripp...

2006-10-13T04:12:00.000-07:00

Ég er að lesa yfir kafla í ritgerðinni, sem ég hef ekki kíkt á í langan tíma! Aðeins ein skýring kemur til greina: ég hlýt að hafa skrifað þessa kafla þegar ég var á sýrutrippi.

Note to self...

2006-10-12T13:27:00.000-07:00

Muna að pissa í glas strax í fyrramálið, miðbunu, takk!

The weekend...

2006-10-09T03:03:00.000-07:00

Fín helgi að baki. Var reyndar í alveg snældu vitlausu skapi framan af á föstudeginum. Ég kenni hins vegar fyrirtíðaspennu og fullu tungli um. Bjó til heimagerða pizzu um kvöldið. Í ljósi þess að það var ekki til neitt kökukefli á heimilinu, brá ég á það ráð að nota 2 lítra kókflösku í staðin! Stundum verður maður bara að bjarga sér. Pizzan heppnaðist alveg ljómandi vel þrátt fyrir efasemdir húsmóðurinnar í fyrstu og nú veit ég hvað ég ætla gefa eiginmannsefninu í útskriftargjöf! (eitt stykki kökukefli) ;) Á laugardaginn fórum við í hressandi göngutúr niður í miðbæ, gengum Hverfisgötuna, Laugarveginn og kíktum aðeins í Kolaportið. Enduðum síðan á að fá okkur pylsu á Bæjarins bestu. Mjög rómantískt! ;) Héldum síðan heim á leið og tókum smá LOST-maraþon, sería II. Um kvöldið fór ég heim í mat, þar var franskur sveitamatur á boðstólnum, a la pabbi. Á sunnudeginum komu síðan foreldrar eiginmannsefnisins í heimsókn í kaffi og kökur. Sem sagt bara mjög hugguleg helgi í alla staði! :)

Pabbi...

2006-10-04T12:21:00.000-07:00

Pabbi kom heim frá Indlandi í dag. Það var gott að fá hann aftur heim. Ég er nú alltaf dálítið áhyggjufull þegar hann fer svona langt í burtu. Hann kom með skemmtilegar sögur í farteskinu og gjafir handa allri fjölskyldunni. Ég fékk svarta sparitösku með perlum, ljósbleikt sjal og marglitaðan silkitrefil. Aldeilis flott... :)

Haust...

2006-10-04T05:04:00.000-07:00

Voðalega er eitthvað orðið kalt! Það er greinilega komið haust. Held svei mér þá að ég þurfi að fara taka fram ullasokkana og sjalið, sem Ásta vinkona heklaði handa mér.

Hroki...

2006-10-03T08:55:00.000-07:00

Ég hef tekið eftir því undanfarið að ég á til að vera hrokafull hvað varðar tiltekið málefni og stafar það líklegast af óöryggi og ótta og viðleitni til að verja eigin hagsmuni. Ég hef tekið meðvitaða ákvörðun um að hætta því! ;)

Indigo stelpan...

2006-10-02T12:30:00.000-07:00

Indigo-stelpan kom í heimsókn í dag. Hún vildi síðan ekki fara heim, ekki frekar en venjulega. Ég hugsa að við endum bara með því að ættleiða hana! ;)

Hildur systir: Jæja, nú er komin tími til að þú farir heim.

Indigo-stelpan: Oooo, ég nenni ekki að vera með þessu fólki!

Hildur systir: Nei, þá skaltu nú bara drífa þig heim.

Indigo-stelpan: Nei, ég var sko ekki að meina ykkur. Þið eruð svo sæt!

Helgin...

2006-10-02T03:50:00.000-07:00

Helgin var góð. Barnaafmæli hjá systur minni á föstudaginn sem stóð frá kl. 5 til 1 um nóttina. Frá 5-8 voru tuttugu brjálaðir krakkar hlaupandi út um allt hús. Mjög hressandi. Krakkarnir horfðu síðan á hryllingsmyndina, The Grudge, sem endaði með því að ein stúlkan fór að gráta og ég þurfti að fylgja öllu liðinu heim til sín því ekki voru foreldrarnir til taks til að sækja börnin sín. Ég verð nú að viðurkenna að ég hef mjög gaman af börnum, þ.e. þegar vel liggur á mér! ;) Klukkan 8 kom síðan móðurfjölskyldan í heimsókn í súpu og brauð. Það var rosa gaman að hitta fjölskylduna, enda langt síðan hún hefur komið saman, það er einna helst á jólum og páskum, sem það gerist nú orðið. Það var mikið hlegið eins og venjulega, þó aðallega af tilteknum vinahóp hér í bæ, sem á það til að ganga full langt í því að steggja vini sína. Á laugardaginn fór ég síðan í heimboð til vinkonu minnar, úr lagadeildinni. Aldeilis huggulegt, þríréttað og boðið upp á hvítvín með matnum. Svaf til eitt á sunnudaginn og fór svo í hressandi göngutúr meðfram Ægissíðunni með eiginmannsefninu. Restinn af deginum fór svo bara í chill og smá endurskipulagningu í klæðaskápnum! Loksins, fékk ég almennilegt helgarfrí! ;)

Judge Pescatore:

2006-09-28T04:12:00.000-07:00

"...the art of treaty-making is in part the art of disguising irresolvable differences between the contracting states."

Forrest Gump...

2006-09-26T05:50:00.000-07:00

Það verður seint sagt um mig að ég sé í góðu formi. Ég er hins vegar byrjuð að taka inn töflur sem heita Siberian root. Siberian root er kínversk lækningajurt, sem eykur líkamlegt úthald. Síðan ég hóf inntökuna hef ég aukið þol mitt til muna og er farin að hlaupa eins og sannkallaður maraþon hlaupari. Ég upplifi mig stundum, sem Forrest Gump í samnefndri kvikmynd. Run Forrest, Run!!!! ;)

Sól, sól skín á mig...

2006-09-25T08:15:00.000-07:00

Hvað er málið með þetta geggjaða veður hérna? Er farin að halda að veðurguðirnir hafi ruglast á árstíðum... Miðað við alla rigninguna í sumar þá þykir mér það ekki ólíklegt! ;)

Sprung pung...

2006-09-24T13:05:00.000-07:00

Ég er gjörsamlega afvelta! Í kvöld var svokallað pizza kvöld. Tvær heimatilbúnar pizzur voru á boðstólnum. Önnur pizzan leit út eins og eldfjall enda ofhlaðin af hinum ýmsu áleggstegundum. Marensterta og súkkulaðiís að hætti Jóa Fel í desert (eða Gísla Fel eins og pabbi kallar hann). Úff...get varla hreyft mig... ;)

Tannsmiðurinn...

2006-09-23T15:39:00.000-07:00

Þetta innlegg á heimasíðu vinkonu minnar, Carolu lýsir vel stemningunni, sem myndaðist í kringum Rockstar-kosninguna á þriðjudögum, þegar við Íslendingar lögðum hönd á plóg og kusum hann Magna okkar, langt fram eftir nóttu, eins og skrattinn væri á hælunum á okkur. Ekki annað hægt en að hlæja að þessu: http://www.toothsmith.blogspot.com/

Saumó...

2006-09-22T02:41:00.000-07:00

Saumó hjá Frú Sollu í gær. Aldeilis huggulegt og gaman að hitta stelpurnar! Solla greyið var búin að standa sveitt í eldhúsinu frá því um klukkan 10 um morguninn! Segi bara takk fyrir mig! :) Verðum endilega að hittast oftar. Meðal umræðuefna kvöldsins voru brúðkaup, ólétta, fæðingar og kynlífsdraumar. ;) Held það væri ekki óvitlaust að setja á fót veðbanka og veðja á hver sé næst í röðinni til að gifta sig eða eignast barn! En jæja, skyldan kallar. Þarf víst að fara upp á hlöðu og ljósrita 4 greinar eða svo. Annars finnst mér ég vera búin með ljósritunarkvótann minn fyrir lífstíð! Mér finnst ég ekki hafa gert annað í mörg ár! Ég þarf að greinilega að fara ráða aðstoðarmann! ;)

Ég á...

2006-09-18T14:19:00.000-07:00

...800 grömm af saltpillum. Held það vísi ekki á gott... :/

Rockstar...

2006-09-14T05:51:00.000-07:00

Lucas karlinn kom, sá og sigraði. Not my personal favorite en hann passar svo sem ágætlega þarna inn. Ég vonaði allavega innilega Magna vegna að hann ynni ekki keppnina. Ég batt því vonir mínar við Toby. Ég vissi svo sem að Dilana myndi ekki hafa þetta, þrátt fyrir aðdáun Supernova-meðlima á Rock-dívunni, enda þarf hún að gjalda fyrir það að vera kvenmaður. Konurnar voru einungis hafðar með til málamynda.

Að hrökkva...

2006-09-13T06:22:00.000-07:00

...eða stökkva...Það er spurningin...

Litla villidýrið...

2006-09-09T08:53:00.000-07:00

Litla vinkona mín kom í heimsókn í dag. Það var fínt framan af.....þar til okkur fannst tími til komin að hún færi heim. Hún harðneitaði að fara og breyttist í lítið villidýr. Hún: "Ef ég á að fara heim þá vil ég fá kex!" Ég: "Nei, þú færð ekkert kex." Hún: "Þá fer ég ekkert heim!" Að lokum tókst mér að senda hana heim með semingi. Ég var bara sveitt eftir viðureignina!

Bjössi á mjólkurbílnum...

2006-09-07T02:06:00.000-07:00

Hver ekur eins og ljón með aðra hönd á stýri?
Bjössi á mjólkurbílnum,
Bjössi á mjólkurbílnum.
Hver stígur bensínið í botn á fyrsta gíri?
Bjössi á mjólkurbílnum, hann Bjössi kvennagull.

Rooop...

2006-09-06T07:22:00.000-07:00

Mömmu var ekki farið að standa á sama hvað ég ropaði mikið. Hún er búin að banna mér að drekka kók og kaffi og hefur skipað mér að drekka aloe vera djús, sem bragðast eins og sápulögur og rauðrófudjús kvölds og morgna. :/

Litla skottið...

2006-09-05T07:39:00.000-07:00

Litla vinkona mín bankaði upp á í gærkvöldi. Þá var ég búin að taka mig til, setja á mig andlitið og klæða mig í betri föt, en venjulega er ég eins og drusla þegar hún kemur í heimsókn, ómáluð, með hárið í tagli, í flíspeysu og joggingbuxum. Það fyrsta sem litla skottið segir við mig þegar ég kem til dyra er: "Voðalega ertu fyndin." Ég: "Hva, finnst þér ég ekki vera fín?" Hún: "Jú.... þú ert bara eins og allt önnur stelpa!"

Tootie fruti...

2006-09-04T02:28:00.000-07:00

...Oh Rudy... Þá hef ég endurheimt heilsuna aftur eftir skemmtun helgarinnar. Eftir að hafa verið viðstödd hjónavígslu í Dómkirkjunni hjá frænku eiginmannsefnisins, var leiðinni haldið til frú Hönnu. Mætti "fashionably early" í boðið, tveimur klukkutímum á undan boðuðum tíma. Gestirnir týndust síðan inn einn af öðrum. Í boðinu var kjaftað og sprellað, þó var óvenjulítið um myndatökur í þetta sinn. Leiðin lá síðan í bæinn. Þó að ég hafi ekki verið í "bæjarstuði", lét ég mig hafa það, enda var ég "fashionably drunk" og því hægt að plata mig í alls kyns vitleysu. Í röðinni á Hressó komst ég að því í miðju samtali að ég væri að tala við fyrrverandi kærustu eiginmannsefnisins. Sumir hittu líka sinn fyrrverandi. Gaman að því. Eftir smá dans og brölt á karlaklósettinu, þar sem ég og Þóra lékum dansandi hurðir, fórum við og fengum okkur pitsu á Pizza Pronto. Að því loknu var farið að huga að heimleið. Ég og Hanna nenntum hins vegar ekki að bíða í leigubílaröðinni og löbbuðum heim á nælonsokkunum. Á leiðinni létum við gaminn geysa um allt og ekkert og bjuggumst til varna ef ske kynni að einhver óþokki myndi ráðast á okkur. Morgundagurinn var nú ekki beinlínis fagur, og skaut setningunum "ég ætla aldrei að drekka aftur" og "afhverju læri ég aldrei af reynslunni" nokkrum sinnum upp kollinum. En, jæja. Áfram með partýið!

Fjörfiskur... - part II.

2006-08-31T15:16:00.000-07:00

Ef einhver veit góð ráð við fjörfiski, þá má sá hinn sami láta mig vita!!!!

Rockstar...

2006-08-31T04:48:00.000-07:00

Þessi andvökunótt okkar Íslendinga, hefur greinilega borgað sig! Við erum náttla alveg sér á parti. Það kom mér hins vegar mjög á óvart að Ryan skyldi detta út. Hefði frekar veðjað á Lucas eða Storm. Að lokum held ég að þetta verði slagur milli Magna, Dilönu og Toby.

Smá væmni...

2006-08-30T17:11:00.000-07:00

Gömul kínversk kona átti tvo leirpotta sem hún hengdi á sitthvorn endann á langri stöng sem hún bar á öxlum sínum. Á hverjum degi gekk hún langa leið að uppsprettu til að sækja vatn. Annar potturinn var sprunginn eftir endilöngu og var því aðeins hálffullur þegar heim kom. Hinn potturinn var alveg heill og skilaði sér alltaf fullur af vatni eftir þessa löngu leið heim að húsinu. Svona gekk þetta í tvo ár, daglega gekk gamla konan með pottana að uppsprettunni og daglega kom hún heim með aðeins einn og hálfan pott af vatni. Auðvitað var fullkomni potturinn ánægður með sína frammistöðu en sprungni potturinn skammaðist sín og leið mjög illa þar sem frammistaða hans var aðeins til hálfs við það sem hann var skapaður til að gera. Eftir tveggja ára vinnu talaði hann til konunnar við uppsprettuna. "Ég skammast mín fyrir frammistöðu mína, vegna sprungunnar á hlið minni lekur helmingurinn af vatninu burt á leiðinni heim. Þú ættir að henda mér og fá þér nýjan pott. Gamla konan brosti, "Hefur þú tekið eftir að þín hlið við götuna er blómum skreytt á meðan engin blóm vaxa hinum megin götunnar? Það er vegna þess að ég hef alltaf vitað af þessum galla þínum og þess vegna sáði ég fræum á þinni hlið götunnar og á hverjum degi þegar við göngum heim vökvar þú blómin mín. Ég hef um árabil getað týnt þessi fallegu blóm og skreytt heimili mitt með þeim. Af því að þú ert eins og þú ert þá hef ég fengið að njóta fegurðar blómanna. Það er eins með okkur manneskjurnar, enginn er gallalaus. En það eru gallarnir og sprungurnar sem gera hvern og einn einstakan. Þess vegna er svo spennandi að kynnast og eyða ævinni saman. Við þurfum bara að læra að taka hverri manneskju eins og hún er og sjá jákvæðu hliðarnar hjá hvert öðru.

Crazy...

2006-08-29T21:44:00.000-07:00

Jæja, klukkan er að verða 5 og ég er búin að vera kjósa eins og mófó í alla nótt. Held ég sé orðin alveg snældu klikkuð. Ef ég væri hins vegar á launum eins og Alda, þá hefði ég góða afsökun! Farin að sofa. Góða nótt.

Áfram Magni...

2006-08-29T03:17:00.000-07:00

Ætli maður verði ekki að reyna að vaka í nótt og kjósa hann Magna "okkar". Ef ég skyldi sofna, en mér er illmögulegt að vaka frameftir þessa dagana, þá stilli ég bara vekjaraklukkuna. ;)

Litla vinkonan...

2006-08-27T05:15:00.000-07:00

Litla vinkona mín bankaði upp á 8 sinnum í gær. Sú er aldeilis farin að færa sig upp á skaftið. Kannski full mikið af hinu góða. ;) Hér má sjá eitt af þeim samtölum, sem átti sér stað á milli okkar:
Vinkonan: "Áttu eitthvað að borða handa mér?"
Ég: Hugsa með mér að kannski losni ég við hana með því að gefa henni eitthvað snarl og segi því: "Viltu snakk?"
Vinkonan: "JÁ!"
Ég: Fer og set nokkrar snakkflögur í lítinn poka handa henni.
Vinkonan: "Hva, er snakkið að verða búið hjá ykkur?"
Ég: "Nei, það er smá eftir."
Vinkonan: "Ég vil fá það líka."

Nýtt líf...

2006-08-27T02:58:00.000-07:00

Ég trúi því að á hverjum degi hlotnist manni tækifæri til að byrja nýtt líf. (Oprah Winfrey)

Fjörfiskur...

2006-08-23T07:47:00.000-07:00

Það er svo mikið fjör hjá mér. Ég er meira segja komin með fjörfisk í augað!

Indigo stelpan...

2006-08-20T11:08:00.000-07:00

Litla vinkona mín, Indigo barnið, kom í heimsókn í dag. Ég verð nú að viðurkenna að ég hef lúmskt gaman af henni.

Heilsuhúsið og Matthew McConaughey...

2006-08-19T04:22:00.000-07:00

Ég og mamma misstum okkur í Heilsuhúsinu í gær. Keyptum alls kyns vítamín, töflur og mixtúrur, sem eiga bæta líkamlega og andlega líðan. Um kvöldið leigði ég myndina Failure to launch með Matthew McConaughey og Sarah Jessica Parker í aðalhlutverkum. Ekkert brilliant mynd þar á ferð en ágætis afþreying svo sem. Maður gerir ekki miklar kröfur í dag. Það hjálpaði mikið hvað Matthew McConaughey er mikill hunk. ;)

I'm bringing sexy back...

2006-08-17T14:16:00.000-07:00

....Hell Yeah...

Nokkrir gullmolar...

2006-08-17T09:30:00.000-07:00

Það er ekki til neitt sem heitir hlutlægur veruleiki eða hinn "raunverulegi heimur. Ekkert er algilt. Andlit versta óvinar þíns gæti verið andlit besta vinar míns. Atburður sem er harmleikur í augum eins gæti verið frjókorn ótakmarkaðra möguleika í augum annars. Það sem aðgreinir fólk sem er hresst og jákvætt frá þeim sem eru ævinlega vansælir er hvernig þeir túlka og bregðast við aðstæðum í lífinu.

Það eru engin mistök í lífinu, bara lærdómur. Það er ekkert til sem heitir neikvæð reynsla, aðeins tækifæri til að vaxa, læra og sækja fram til sjálfsstjórnar. Barátta eflir styrk. Jafnvel sársaukinn getur verið stórkostlegur kennari.

Þegar þú ert innblásinn af einhverju stórkostlegu markmiði, einhverju óvenjulegu verkefni, slíta hugsanir þínar af sér öll bönd; hugur þinn þenst út fyrir öll mörk, meðvitund þín víkkar til allra átta og þú kemst inn í nýja, stórkostlega og dásamlega veröld. Sofandi öfl, hæfileikar og gáfur lifna við og þú uppgötvar að þú ert mikilfenglegri manneskja en þig hafði nokkru sinni dreymt um að vera.

Þreyta er lítið annað en andlegur tilbúningur, slæmur vani sem hugurinn hefur ræktað með sér sem hækju þegar þú ert að gera eitthvað leiðinlegt. (Úr bókinni: Munkurinn sem seldi sportbílinn sinn, eftir Robin S. Sharma)

Munkurinn sem seldi sportbílinn sinn...

2006-08-17T09:16:00.000-07:00

Sat úti í góða veðrinu í dag og las bókina: Munkurinn sem seldi sportbílinn sinn. Þetta er hreint út sagt frábær bók og þvílíkt margir gullmolar sem spretta fram af blaðsíðum hennar. Bókin hefur veitt mér mikinn innblástur og breytti hreinlega skapi mínu, sem var frekar súrt í morgun í súpergott! :)

Ég á mér draum...

2006-08-16T07:38:00.000-07:00

...I have a dream that one day this nation will rise up and live out the true meaning of its creed: "We hold these truths to be self-evident: that all men are created equal." I have a dream that one day on the red hills of Georgia the sons of former slaves and the sons of former slaveowners will be able to sit down together at a table of brotherhood. I have a dream that one day even the state of Mississippi, a desert state, sweltering with the heat of injustice and oppression, will be transformed into an oasis of freedom and justice. I have a dream that my four children will one day live in a nation where they will not be judged by the color of their skin but by the content of their character. I have a dream today. (Úr ræðu Martin Luther King, Jr., "I have a dream" flutt 28. ágúst 1963)

Fyrirtíðarspenna...

2006-08-13T16:04:00.000-07:00

Í tilefni af heimsókn Rósu frænku, mæli ég með skemmtilegri "fyrirtíðarspennusögu" á vefsíðu vinkonu minnar, Carolu. Slóðin er: http://toothsmith.blogspot.com

Hvað er til ráða....

2006-08-13T09:50:00.000-07:00

...þegar ég ropa fæ ég verk í vinstra eyrað...

Skrifað í stein...

2006-08-12T17:24:00.000-07:00

Sagan segir að tveir vinir hafi gengið í eyðimörk. Á leiðinni fóru þeir að rífast, og annar vinurinn gaf hinum létt á kjammann. Honum sárnaði, en án þess að segja nokkuð skrifaði hann í sandinn: " Í DAG GAF BESTI VINUR MINN MÉR, EINN Á ´ANN!" Þeir gengu áfram þangað til þeir komu að vatnslind og þar fóru þeir út í. Vinurinn sem hafði orðið fyrir hinum áður var nærri drukknaður, en var bjargað af vini sínum. Þegar hann hafði jafnað sig , risti hann í stein; "Í DAG BJARGAÐI BESTI VINUR MINN MÉR FRÁ DRUKkNUN".Vinurinn sem bæði hafði veitt honum tiltal og bjargað honum spurði: "Þegar ég sló þig, skrifaðir þú í sandinn, og núna skrifar þú í steininn. "Af hverju?" Hann svaraði: Þegar einhver gerir þér eitthvað illt áttu að skrifa það í sandinn, þar sem vindur fyrirgefningar getur eytt því. En þegar einhver gerir þér eitthvað gott þá áttu að grafa það í stein þar sem enginn getur eytt því. "LÆRÐU AÐ SKRIFA SÁRINDI ÞÍN Í SANDINN OG GRAFA HAMINGJU ÞÍNA Í STEIN"!

Amma...

2006-08-12T03:49:00.000-07:00

Í gær fórum við í bakaríið hjá Jóa Fel og keyptum bakkelsi og brauð í tilefni af 75 ára afmæli ömmu. Hún er svo mikil dúlla og lítur ekki út fyrir að vera deginum eldri en 50! Ég vona að ég eigi eftir að eldast eins fallega og hún. ;)

V-in fjögur...

2006-08-11T11:21:00.000-07:00

Viska, vinsemd, virðing, viðsýni.

Hlaupahjól...

2006-08-09T03:36:00.000-07:00

Fór út að hlaupahjóla í gærkvöldi. Svona aðeins til að finna barnið í sjálfri mér. Það var nú bara þræl skemmtilegt, sérstaklega að fara á blússandi ferð niður brekkur. Ég var samt orðin dálítið þreytt í lokin. Er greinilega ekki í neinu "hlaupahjólaformi."

Það sem hrjáir mig...

2006-08-07T14:18:00.000-07:00

...þessa dagana er athyglisbrestur, á mjög háu stigi.

Bíó...

2006-08-04T16:36:00.000-07:00

Fór í bíó í kvöld á teiknimyndina Over the hedge. Fín afþreying, til að gleyma stund og stað. Hló heilmikið (þó aðallega af auglýsingunum, sem sýndar voru á undan myndinni) og lét eins og vitleysingur! Sem betur fer þekkti ég ekki marga í bíó! ;)

Sporðdrekinn (23. október - 21. nóvember)

2006-08-03T16:34:00.000-07:00

Árstími: Sporðdrekans er mitt haustið. Á þessum tíma styttist dagurinn óðfluga og skammdegismyrkrið eykst. Gróðri hnignar, lauf eru fallin af trjám, frost sest í jörð og veður versnar. Sálræn áhrif nóvembermánaðar á mannfólkið eru þau að það leitar inn á við í auknum mæli. Hjá flestum er einungis um tímabundið ástand að ræða, en fyrir Sporðdrekann er þessi tími mótandi og setur mark sitt á sálina. Hann er því heldur dulur og lifir töluvert í eigin heimi.

Tilfinningar: Sporðdrekinn er tilfinningaríkur, viðkvæmur og frekar varkár. Að öllu jöfnu virðist hann hægur og rólegur á yfirborðinu, en tilfinningar ólga oft undir niðri. Hinn dæmigerði Sporðdreki er heldur fámáll en kjarnyrtur þegar hann talar á annað borð (staða Merkúrs í merki hefur töluverð áhrif á talanda). Hann vill vera hreinskilinn og er lítið gefinn fyrir yfirborðsmennsku. Þegar sagt er að Sporðdrekinn sé dulur þarf að hafa eitt í huga. Hann er næmur og tekur tilfinningar og líðan annarra auðveldlega nærri sér. Hann heldur fólki því oft frá sér í varnarskyni. Einnig vill hann kafa djúpt ofan í það sem hann tekur fyrir og er því lítið fyrir yfirborðskenndan kunningsskap eða samræður. En þegar Sporðdrekinn er með fólki sem hann treystir fyrir tilfinningum sínum er hann alls ekki dulur. Þá er hann oft stjórnsamur og opinskár og á til að ræða mál sem öðrum finnst óþægilega persónuleg. Sporðdrekinn getur því verið dulur og lokaður gagnvart ókunnugum eða þeim sem skilja hann ekki, en að öðru leyti kjarnyrtur og opinskár.

Stjórnsemi: Sporðdrekinn er eitt af stöðugu merkjunum. Það táknar að hann er fastur fyrir og ósveigjanlegur í persónulegum stíl sínum og viðhorfum. "Nei, þetta geri ég aldrei," segir hann og verður ekki haggað. Þó hann geti virst rólegur á yfirborðinu er hann ráðríkur og stjórnsamur undir niðri. Hann er í raun launfrekur og þarf að ráða, að minnsta kosti yfir eigin umhverfi og lífi.

Rósemi eða ákafi: Svo virðist sem framkoma Sporðdrekans skiptist í tvö horn. Annars vegar er hinn hægi og rólegi Sporðdreki sem heldur sig út af fyrir sig og er áhorfandi. Hins vegar er maður með kraftmeiri og opnari framkomu, sem er krefjandi, ráðríkur og stundum eilítið öfgafullur í ákafa sínum að komast áfram og gera það sem hann ætlar sér.

Alvara: Alvörugefni er einkennandi fyrir Sporðdrekann. Hann er skapstór og tilfinningaríkur og tekur mjög ákveðna afstöðu með eða á móti mönnum og málefnum. Hann elskar eða hatar. Hann vill ganga heill að hverju verki, hvort sem er um vinnu, ást eða áhugamál að ræða. Hann er lítið fyrir hálfkák og vill komast til botns í hverju máli. Sporðdrekinn er því ekki maður sem á auðvelt með að skipta sér á milli margra ætlunarverka.

Einbeiting: Alvörugefni Sporðdrekans og þörf fyrir að komast til botns tengist öðrum persónuleikaþætti, sem er einbeiting. Hann hefur þann hæfileika að geta einbeitt sér að ákveðnum málum og útilokað umhverfi sitt og annað sem er óviðkomandi. Segja má að honum hætti til að fá einstök mál á heilann, svo jaðri við þráhyggju.

Kaldhæðni: Skopskyn Sporðdrekans birtist oft í beittum og kaldhæðnislegum athugasemdum. Hann á til að "stinga" með eiturbroddinum fræga þegar sá gállinn er á honum. Hann er því erfiður andstæðingur og vont að lenda í rimmu við hann, enda á hann til að vera grimmur ef fólk reitir hann til reiði eða stendur í vegi fyrir honum. Hann berst hins vegar af sama krafti fyrir þá sem honum þykir vænt um og er að öllu jöfnu traustur og góður vinur.

Dulúð: Sporðdrekinn hefur áhuga og hæfileika á sviði rannsókna. Hann heillast oft af því sem er til dæmis dularfullt og hefur gaman af að svipta hulunni af yfirborðinu og komast að kjarna málsins. Hann hefur því oft áhuga á spennumyndum, og glæpasögum, en einnig á dauðanum, kynlífi og reyndar öllu því sem er á einhvern hátt hulið myrkri, spennu og dulúð.

Endurnýjun: Sporðdrekinn er merki hreinsunar og endurnýjunar. Hann er næmur á eigin veikleika sem og veikleika annarra, enda á hann tiltölulega auðvelt með að sjá í gegnum fólk. Hreinsunarþörf hans getur beinst að eigin persónuleika eða færst yfir á þjóðfélagið og umhverfið. Stundum lýsir hún sér þannig að Sporðdrekinn fer yfir atburði liðins dags og heitir sér því að endurtaka ekki þau mistök sem hann hefur gert. Hann getur einnig átt í mánaðalangri eða áralangri innri baráttu. Það er ekki óalgengt að hann brjóti sig niður og sökkvi djúpt í sjálfseyðingu. Hann sér gallana í fari annarra og spillinguna í þjóðfélaginu. Því er algengt að Sporðdrekinn tali um spillingu stjórnmálamanna og hafi áhuga á að stinga á kýlum mannlegs samfélags. Þessi sama orka, blönduð tilfinninganæmi, gerir að verkum að hann er að upplagi ágætur sálfræðingur eða læknir. Hann sér veikleika fólks og með réttri þjálfun getur hann hjálpað því að losa sig við vankanta sína.

Einvera: Til að endurnýja lífsorku sína og viðhalda henni þarf Sporðdrekinn að geta dregið sig annað slagið í hlé. Hann þarf á reglulegri tímabundinni einveru að halda. Ef önnur merki viðkomandi Sporðdreka eru félagslynd getur það komið honum að sömu notum að skipta annað slagið um umhverfi. Sporðdrekinn er valdamerki, sem táknar að hann þarf að ráða sínu eigin lífi og lífsháttum. Því er æskilegt að hann vinni við stjórnun eða geti sinnt eigin verkefnum án afskiptasemi frá öðrum.

Fjallganga...

2006-08-02T16:23:00.000-07:00

Gekk upp Gunnhildi í kvöld, til þess að hrista af mér slenið. Það er alltaf jafn notalegt að setjast niður á fjallstindinum (ef tindur skyldi kallast) og virða fyrir sér útsýnið. Magnað!

Þessi börn...

2006-08-01T05:38:00.000-07:00

Litla vinkona mín, var mætt kl. 9:30 í morgun. Bankaði og þar sem ég kom ekki til dyra strax, tók hún bara í hurðarhúninn. Ótrúleg! Sem betur fer var hundurinn ekki heima. Hún fékk að hoppa á trampólíninu í smá stund og lét sig svo hverfa. Bara fyndið...

Ja, hérna hér...

2006-07-31T11:17:00.000-07:00

Þessi dagur er búin að vera spes. Hann hófst með stór-hreingerningunni miklu. Mér tókst síðan að læsa mig úti, í gegnsæjum hlírabol (og engum brjóstahaldara) og joggingbuxum með gati í klofinu. Hélt ég yrði ekki eldri! Var heillengi að ákveða hvernig ég ætti að snúa mér í stöðunni. Endaði síðan á því að banka upp á hjá einni nágrannakonu og fá að hringja. Það sem mér leið vandræðalega. En mér tókst að redda málunum! Eignaðist síðan nýja vinkonu hérna í hverfinu. Hún er reyndar ekki há í loftinu. Sú stutta segist vera 5 ára og ákvað bara sjálf að hún ætlaði í göngutúr með hundinn minn. Ég hafði ekki í mér að segja nei og lét hana plata mig í 2 göngutúra og lék síðan við hana út í garði. Það sem hún ráðskaðist með mig og hundinn. Hef aldrei lent í öðru eins. Hundurinn var farin að horfa á mig bænaraugum...(help me) Og hún ætlar sko að koma í heimsókn til mín á morgun. Hef aldrei kynnst svona sérstöku barni. Hef grun um að hún gæti verið af Indigo-kynslóðinni svokölluðu.

Summertime...

2006-07-31T03:26:00.000-07:00

...And the living is easy....Hvað varð eiginlega um sumarið? Þetta sumar er gjörsamlega búið að fljúga áfram! Verslunarmannahelgin í nánd og alles. Ekki það að maður fari eitthvað um Verslunarmannahelgina. Best að vera bara heima í notalegheitum þá helgi. Skemmtilegt laugardagskvöld að baki. Kveðjupartý á Eggertsgötunni hjá Hönnu. Á boðstólum var alveg delicious humarsúpa, matreidd af meistarakokkinum og Danmerkurfaranum, Ástu, ásamt hvítlauksbrauði og hvítvíni. Margar myndir teknar, þar sem sumir settu sig í ansi grófar stellingar (nefni engin nöfn) og almennur fíflaskapur í hávegum hafður. (like usual) Ég er farin að halda að við séum haldnar alvarlegum "sjálfsdýrkunar-syndrome" á djamminu, miðað við allar myndirnar, sem eru alltaf teknar. ;) Sunnudagurinn fór í chill og tiltekt í klæðaskápnum. Komst að því að ég á allt of mikið af bolum! Meira en góðu hófi gegnir. En jæja, ætla fara út að hoppa á trampólíninu. See ya.