Hvað er að ske?

Það hlýtur eitthvað mjög mikið að vera að, þegar 11 ára gamlar stelpur, segjast vera í megrun og neita sér um sælgæti, kökur, hvítt brauð, smjör, smurost, mjólk o.s.frv. og borða bara dökkt brauð, bygg og baunir. Hið sama er að segja um 11 ára stelpur sem óska þess heitast að fá stór brjóst og lýsa því svo yfir að ef ósk þeirra rætist ekki, þá muni þær fá sér sílikon. Hvað varð um sakleysi og áhyggjuleysi æskuáranna? Er lífið ekki þess virði að lifa því nema vera horrengla, með tan og stór brjóst? Eru þetta skilaboðin sem við erum að senda börnunum okkar? Ji dodda mía...