...

Í dag minntist ég stráks sem ég kynntist, á mínum yngri árum. Hann söng um bleika fíla og talaði um að mála mynd af rauðum karfa. Hann veit líklega ekki hvaða áhrif hann hafði á samferðafólk sitt. Hann lýsti upp herbergið, hvar sem hann var, með fallegu brosi sínu og skemmtilegum húmor. Hann var frjálslegur í fasi og mikill draumóramaður. Hæfileikaríkur var hann og sannkallaður gleðigjafi. Ég er viss um að hann hafi ekki látið neinn ósnortinn sem varð á vegi hans í þessu lífi.