Hamingja og gleði...

Ég fór í brúðkaup í gær hjá frænku minni sem er jafngömul mér. Skrýtið...Maður er greinilega orðin gamall.

Þetta var mjög skemmtilegt allt saman. Athöfnin fór fram í Bústaðarkirkju. Pálmi Matthíasson gifti brúðhjónin - hann klikkar ekki. Brúðurinn var í geðveikum brúðarkjól og Hera söng lagið Itchy Palms í kirkjunni og fleiri listamenn tóku lagið.

Veislan fór fram í Fóstbræðrasalnum. Boðið var upp á pinnamat og snittur af ýmsum tegundum. Smakkaði sushi í fyrsta skipti og líkaði bara vel. Allt mjög ljúffengt. Undirrituð var orðin vel í því undir lok kvöldsins - en engir skandalar gerðir!

Toppur kvöldsins var líklega þegar Stebbi Hilmars dúkkaði upp og söng Líf og uppáhaldslagið mitt um hana Nínu....

Núna ertu hjá mér... Nína...

Annars lenti ég í því í brúðkaupinu að perluhálsfestin mín slitnaði og ég reif kjólinn minn upp í rass. Ég var sem betur fer á heim leið þegar kjólinn rifnaði. Einnig lenti ég í miður skemmtilegu atviki í morgun sem kostaði ferð út í apótek. Maður bara spyr sig: Eru þetta einhver skilaboð?