Upphaf og endir...

Síðasti vinnudagurinn minn er á morgun!

Skila síðasta verkefninu á morgun!

JIBBY!!!

Byrja í nýrri vinnu á föstudaginn!

Allt hefur upphaf og endir....

Hlakka til að byrja í skólanum í haust....

Tónlistaræði...

Ég er hætt að kaupa mér föt og eyði þess í stað þessum nokkrum krónum, sem ég á í geisladiska. Núna langar mig í báða nýju diskana hans Bubba og diskinn hans Davíð Smára!

Big Mistake

Oooh. Klúðraði einu máli í vinnunni í gær! Veit stundum ekki alveg hvað ég er að gera þarna!

Ég er alvarlega að spá í að hrúga niður börnum eftir námið og gerast heimavinnandi húsmóðir! ;)

Gleym - mér - ei ...

Ætli maður sé með Alzheimer! ?

Einkenni: Á erfitt með að muna nöfn á fólki, gleymi sjálfsögðum hlutum eins og að bursta tennurnar og gleymi mér í hugsunum mínum um hitt og þetta.

Emma öfugsnúna...

Ég steig öfugum megin út úr rúminu í morgun, í bókstaflegri merkingu! Byrjaði á að vakna 20 mínútum of seint. Setti á mig andlitið og skellti mér í uniformið en tók síðan eftir því mér til mikillar skelfingar að buxurnar mínar voru MJÖG svo krumpaðar. Tók því fram straujárnið og straujaði buxurnar á RÚMINU þar sem ég á ekki straubretti! Vekjaraklukkan byrjaði síðan skyndilega að hringja, ég reyndi að slökkva á henni en allt kom fyrir ekki. (takkinn hreinilega virkaði ekki), þannig að ég varð að taka klukkuna úr sambandi til að þagga niður í henni. Hljóp síðan út í strætóskýli - missti ekki af strætó - ótrúlegt nokk! Á leiðinni í vinnuna dottaði ég hins vegar í Strætó og rankaði við mér einhvers staðar í Breiðholtinu! ( b.t.w. Ég hef einu sinni lent í þessu áður og þá var ég 13 ára) Ég uppgötvaði síðan í strætó að ég hefði gleymt að setja á mig maskara, sem telst til stórtíðinda þegar ég á í hlut! (oh my god) Í strætó helltist yfir mig sú ónotatilfinning að ég hefði gleymt að læsa íbúðinni. Ég sendi því eiginmannsefnið úr vinnunni til að athuga stöðuna. Hurðin reyndist læst eftir allt saman! Afleiðing strætóferðarinnar var sú að ég kom 15 mínútum of seint í vinnuna, sem er reyndar ekkert svo slæmt. Það fyrsta sem ég gerði þegar ég kom í vinnuna var að fá mér kóksopa eftir öll ósköpin, sem endaði með því að ég sullaði niður á sjálfan mig, lyklaborðið og gólfið. Eftir þetta var mér nóg boðið og bað Guð og góðar vættir að forða mér frá frekari óhöppum þennan dag.

Dagurinn gekk reyndar áfallalaust fyrir sig eftir þetta. Mér varð hins vegar ekkert ágengt í vinnunni, vegna þráláts niðurgangs og slappleika! (too much information?) ;)

Pant EKKI endurtaka þennan leik á morgun! ;)

So be it...

Ég býst við að verða hýdd í vinnunni á morgun...

En hvað um það - það sem drepur mann ekki - herðir mann!

Annars er stefnan sett á matarboð og chill í kvöld! ;)

Hopp og hí....

Jæja. Fékk útrás fyrir gremju mína og beiskju á risa stóru trampólíni! Nú hef ég úthald í verkefnagerð eitthvað fram eftir kvöldi!

Síðan held ég að málið sé að drekka sig í ræsið við fyrsta tækifæri!

Víga - Glúmur

Andskotans, djöfulsins, helvítis!

Langar að berja mann og annan.

Ein í vígaham

Prozac?

Spurning um að fara verða sér úti um þunglyndislyf. Held að dágóður skammtur af prozac sé málið...

Hlakka til að skipta um gír í júlí...

Spakmæli

Lögmenn eru hórur. Lögmaður er bara fínt orð yfir rukkara.

Ekki lofa neinu og settu fyrirvara við allt.

Vinna og aftur vinna...

Gaman að eyða sunnudagskvöldinu í að gera verkefni um opinber innkaup. Jahúúuu....

Bryllup

Fór í brúðkaup í gær. Alltaf gaman í brúðkaupum. Endaði í fremur vafasömu teiti á 101 svæðinu, sem minnti mig á gömlu góðu partýin forðum daga. Ég þarf að taka afleiðingum gærkvöldsins í dag og glíma við óvinkonu mína: þynkuna.

Indæli leigubílstjórinn...

Lenti á aldeilis indælum leigubílstjóra áðan. Hann stoppaði mælinn áður en hann var kominn á áfangastað og sagði við mig að hann vissi að ég væri skólastelpa og hann hefði keyrt mig áður. Ég þakkaði honum náttúrulega kærlega fyrir afsláttinn. Svo kvaddi hann mig með því að segja bless og takk og hafðu það nú gott. Ekki oft sem maður fær svona hlýlegt viðmót frá bláókunnugu fólki.

Sjæse!

Það er erfitt að vinna á lögmannsstofu. Ég er búin að komast að því að ég hef unnið alltof lengi í banka - við meira og minna sjálfvirk bankastörf. Hef lítið reynt á heilastarfsemina í þeirri sumarvinnu sem ég hef fengist við og hinn lögfræðilega þankagang.

Þriðji dagurinn búin í dag og mér líður eins og heilinn á mér hafi verið tekinn og steiktur á grilli, í bókstaflegri merkingu! ;) Ég er sem sagt algjör steik!

Þegar ég vann í bankanum þá leit ég alltaf á klukkuna og hugsaði djöfull líður tíminn HÆGT, í þessari vinnu lít ég á klukkuna og hugsa - djöfull líður tíminn HRATT!

Vinnan mín er að mörgu leyti lík því að vera í skóla. Verkefnin sem ég vinn að eru að mörgu leyti svipuð þeim raunhæfum verkefnum sem ég hef skilað af mér í skólanum, en þó ekki. Í vinnunni er hins vegar meiri pressa, minni tími og raunverulegir hagsmunir í húfi. Í skólanum hef ég t.d. 1 til 3 vikur til að leysa tiltekið verkefni en í vinnunni þarf ég að leysa nokkur á dag.

Ég er búin að vera í námi í mörg ár. Það sem tekur við að námi loknu er meira nám og meiri skóli. Skólinn tekur aldrei enda - Jibby jibby - joy joy.

Ein mjög svo sveitt og steikt.