You are 40% Boyish and 60% Girlish

You are pretty evenly split down the middle - a total eunuch. Okay, kidding about the eunuch part. But you do get along with both sexes. You reject traditional gender roles. However, you don't actively fight them. You're just you. You don't try to be what people expect you to be.

Your Rising Sign is Virgo

Well put-together and elegant, you sometimes seem standoffish.And truth be told, sometimes you do feel superior to those around you.A bit shy and introverted, you tend to stay quiet - even if you're feeling social.At parties, you can seem like you're very serious while you're having fun.You clever and ingenious, with an alert and active mind.Good at facts and figures, you excel at logical and mathematical tasks.

Your Inner European is French!

Smart and sophisticated.You have the best of everything - at least, *you* think so.

Aldarfjórðungur...

Árin 25 ásamt lærdómi og áhyggjum hafa greinilega sett sitt mark á mig. Afleiðing: djúp hrukka á enninu milli augnabrúnanna. Já, maður verður svo sannarlega virðulegri með aldrinum.

Herramannsmatur...

Það liggur við að maður fái nautasteik með karteflum og bernaise á hverju kvöldi! Svona á þetta að vera... :D

Fjörfiskur...

Það er svo mikið fjör hjá mér. Ræð mér ekki af kæti. Ég er með fjörfisk í hægra auganu og vinstri þumalfingrinum.

KVENNAFRÍDAGUR...

Hva, er allt að verða vitlaust!? :D

Sameinuð stöndum vér, sundruð föllum vér....

Sálarkreppa?

Úr dagbók undirritaðar...(p.s. ég var ekki undir áhrifum áfengis eða annarra vímuefni þegar þetta var skrifað á sínum tíma) :D

Ég fyllist efasemdum um getu mína, styrk og tilvist hér á jörðu. Ég man enn eftir innri rödd minni úr barnæsku sem spurði: "Hvers vegna og afhverju ég? Afhverju er ég til? Hvers vegna ekki einhver annar / önnur? Hvað er ég að gera hérna?"

Mér finnst eins og vondar tilfinningar umlyki mig, snöggur en í senn djúpur kvíði fyllir hjarta mitt og sál. Ég er með hjartslátt og verk fyrir brjóstinu. Ég kann ekki að forgangsraða lífi mínu - set það efst á oddinn sem skiptir í raun minnstu máli. Ég óttast það mest sem ég á síst að óttast.

Ég trúi ekki lengur á ástina, ástin er eingöngu til í ævintýrum. Fjarlægur og þokukenndur draumur sem aldrei verður að veruleika - eins og regnboginn er ástin falleg úr fjarlægð en leyfir mér ekki að nálgast sig.

Siðspilling og ljótleiki allt í kringum mig. Tómarúmið nálgast óðum - það mun éta okkur öll - gera okkur hol að innan - tortíma okkur hægt og rólega. Við höldum áfram að lifa en með dauðri sál.

Pizza-kvöld

Í kvöld er......PIZZA-KVÖLD!

Hver og einn fær að búa til sína eigin pizzu og svo verður keppni um bestu pizzuna. Efast ekki um það að mín pizza vinni. Matreiðsluhæfileikarnir eru í genunum... :D Síðan verður Haagen-Das ís í desert. Ekki dónalegt það...

Hamingjuhjólið...

Nei sko, einmitt svarið sem ég leitaði eftir! :D

X - Hamingjuhjólið

Þegar þú ert heil/l gefur þú og það veitir þér gleði. Það er kærleikur. Örlögin ráða ríkjum hér. Atburðir framtíðar munu koma þér ánægjulega á óvart þar sem framtíðin færir þér vissulega betri tíma. Heppnin eltir þig uppi og sér til þess að hamingjuhjólið snúist þér í hag. Endir verður á erfiðleikum og ónotum. Almenn vellíðan er svarið við spurningu þinni. Hamingja þín styrkir vissulega og glæðir líf þitt og þeirra sem skipta þig máli. Leyfðu hlutunum að vaxa og bera góða ávexti. Þú veist að göfgi verður að fylgja göfugum tilgangi og skrefin sem þú stígur um þessar mundir vísa þér á næstu skref inn í hamingjuna.

Aaaaaaarrrrggg!!!!!

Djö...er ég pirruð....

Ég á kippu af bjór! Vill einhver detta í ða með mér?

Áfrám, áfram, áfram bílstjóri....

Vaknaði öfugum megin úr rúminu í morgun eins og gerist fyrir besta fólk!:D Ákvað því að skella mér í morgungöngu og mikið var það nú hressandi! Eftir það var maður sko tilbúin í slaginn...

Annars er nú komið að seinni hluta annarinnar. Sá hluti verður ekki eins skemmtilegur og sá fyrri. Nú tekur við ritgerðarskrif og brjálaður lærdómur. Og framundan bíður próftörn dauðans, en þetta er án efa versta próftafla sem ég hef fengið á ferli mínum í Háskóla Íslands!

Nú er bara að spýta í lófana og hætta að hanga á netinu og aðrir þurfa að hætta lesa ástarsögur allan daginn! :D

ÁFRAM NÚ...

Einhverf?

Hæð: Er 171.5 og stolt af því! :D

Hárlitur: Litað ljóst en það er farið að sjást vel í rótina - tími ekki að fara í klippingu! Er nú bara eins og rónakerling...

Augnlitur: Gráblár

Tattoo: Nei, ekki fyrir mig. Ef ég myndi einhvern tímann gera eitthvað rosalega villt, þá væri það að fá mér tattoo á rassinn.

Í hverju ertu? Oj, hvað þetta er perraleg spurning... röndóttum náttbuxum, hvítum nærbol, ljósbleikum hlírabol, bleikri flíspeysu og gráum sokkum. Mjög heimilisleg...

Á hvað ertu að hlusta? Diskinn hennar Hildar Völu idolstjörnu.

Hvernig bragð er upp í þér? Marenstertubragð!

Hvernig er veðrið hjá þér? Það er voða kosý inni hjá mér - en ég veit ekki hvernig veðrið er núna. Dagurinn í dag var grámyglulegur rigningardagur...

Hvernig líður þér? Mér líður bara ágætlega - er í leti stuði, dálítið þreytt en nenni ekki að fara sofa.

Verðuru bíl-, flug- eða sjóveik(ur)? Já, hef oft orðið bílveik og flugveik.

Hefuru slæman ávana? Já, fullt af þeim! Ég kann t.d. ekki að skera ost, bý alltaf til svona hjólabrettapalla.

Sátt(ur) við foreldra þína? Já, ég hef verið einstaklega heppinn með foreldra.

Finnst þér gaman að keyra? Hvað er nú það? En það er fínt að vera farþegi! :D

Kærasti? Jamm.

Kærasta? Nei, hef aldrei átt kærustu, en aldrei segja aldrei! :D

Börn? Nei, er alltof ung til að eignast börn! :D

Átt í erfiðleikum með að jafna þig á ein-hverri/hverjum? Já, hafa ekki allir lent í ástarsorg?

Verið særð(ur)? Já, það getur komið fyrir að maður verði sár! Ég er hins vegar oftast fljót að fyrirgefa.

Mesta eftirsjá þín? Að hafa ekki bara látið vaða...

Á hvaða tónlist ertu að hlusta þessa dagana? Aðallega FM 95.7, Hildi Völu, Emilíönu Torrini.

Ef þú værir litur, hvaða litur væri það? BLEIKUR...

Hvað gerir þig ánægða(n)? Þegar mér og mínum gengur vel í því sem við tökum okkur fyrir hendur, samvera með fjölskyldu minni og vinum.

Sjö hlutir í herberginu þínu: málverk, íkoni, skrifborð, skápur, dýnur, geisladikar, græjur, stóll.

Sjö atriði sem þú ætlar að gera fyrir dauða þinn: finna sjálfan mig, þroskast, gefa af mér, útskrifast, fara til Kína, læra meira og brosa framan í allan heiminn.

Hvaða sjö orð segiru oftast? ha?, bannað að vera með læti, ég veit það ekki, ertu ekki sammála mér?, ég nenni ekki að læra, húkabúka, best að fara læra.

Reykiru?Nei, eyði ekki tíma og peningum í svoleiðis vitleysu...

Dóparu? Nei, ertu frá þér!

Biðuru til æðri máttarvalda? Já, oftast á hverju kvöldi og stundum nokkrum sinnum yfir daginn.

Ertu í vinnu? Nei, er bara aumingi með hor! ;D

Ferðu í kirkju? Reyni alltaf að fara í kirkju 1 sinni ári, þ.e. á aðfangadegi. Finnst bara eiginlega ekki vera jól án þess. Annars fer ég einungis í kirkju þegar eitthvað stendur til, brúðkaup, skírnir o.s.frv.

Hefurðu…..verið ástfangin(n)? Já, ég er rosalega ástfangin!

Lent í alvarlegu slysi? Já, lenti í hörðum árekstri út í BNA. Stór vörubíll keyrði aftan á okkur þar sem við biðum á rauðu ljósi og stakk svo af. Ég var ekki í bílbelti og endaði með hálskraga, en slapp þá að mestu ómeidd, sem betur fer.

Farið í aðgerð? Já, þurfti að gangast undir smá aðgerð hérna um árið...

Synt í myrkri? Nei, það held ég ekki.

Orðið full(ur)? Já, many, many times.

Farið í fatapóker? Já, já, já... man sérstaklega eftir einum mjög svo eftirminnilegum fatapóker sem ég fór í með fjölda manns. Endaði á sokkabuxunum, næríunum og brjóstahaldaranum. Sumir voru ekki svo heppnir. Já, maður var villtur í den! :D

Verið lamin(n)? Já, af systrum mínum. Beta vinkona sló mig lika einu sinni utan undir. Ég var líka rasskellt þegar ég var lítil - var svo óþæg.

Lamið einhvern? Já, systur mínar. Til hvers eru annars systur? :D

Vakað heila nótt? Jájá - þoli ekki andvökunætur...

Komið í útvarpið eða sjónvarpið? Já, það var tekið viðtal við mig í útvarpinu. Svo lék ég í mjög svo eftirminnilegri Appelsín auglýsingu hér á árum áður...

Áttu homma- eða lesbíuvinkonu? Nope, ekki svo ég viti af. Mig grunar þó að nokkrar af vinkonum mínum séu skápalessur! :D

Drekkuru kaffi? Já, er algjör koffínfíkill.

Hvernig ilmvatn notaru? Uppáhaldsilmvatnið mitt heitir Laura - það er æði. Kemst alltaf í gott skap þegar ég nota það. Annars nota ég líka Light Blue frá Dolce and Gabbana og eina tegund frá Jean Paul Gaultier, sem ég man ekki hvað heitir. Set alltaf á mig ilmvatn áður en ég fer út!

Á síðustu 24 tímum, hefurðu…..

Grátið? Neibb...

Keypt eitthvað (ekki mat)? Neibb - en það mun breytast á morgun! Er að fara versla afmælisgjöf. Kannski finn ég líka eitthvað lítið sætt fyrir sjálfan mig...

Orðið óglatt? Neibb - þetta er orðið frekar boring...

Sungið? Yes, I'm singing all the time...bara eina og eina laglínu - er hrikaleg að muna lög!

Verið kysst(ur)? Jamm...

Fundið til heimsku? Nei, ekkert sérstaklega...

Talað við fyrrverandi kærasta/kærustu? Neibb...

Talað við einhvern sem þú ert hrifin(n) af? Já, ástina mína...

Saknað einhvers? Sakna nú doldið pabba gamla, hann var að fara til Tælands.

Ég er dottinn í það...

Ég er dottinn í ástarsögurnar hennar DeBlanco... - og viti menn I'm HOOKED! :D