Þvílíkt rugl!!!!

Cruise segist ætla að snæða naflastreng og fylgju barns síns
Leikarinn Tom Cruise segir í viðtali við karlatímaritið GQ að hann ætli að borða naflastreng og fylgju barns síns og það um leið og barnið er komið í heiminn. „Ég hugsaði sem svo með mér að það yrði gott. Mjög næringarríkt. Ég ætla að borða naflastrenginn og fylgjuna á staðnum,“ á Cruise að hafa sagt við viðmælanda sinn.
Cruise hefur látið ýmislegt undarlegt flakka undanfarið, en unnusta hans, Katie Holmes, er nú komin á steypirinn. Cruise segist hafa vitað að hún væri þunguð áður en hún greindi honum frá því. Í síðustu viku sagði hann frá því að Holmes væri gengin í Vísindakirkjuna en Cruise er sjálfsagt þekktasti meðlimur hennar. Samkvæmt vísindatrúnni á kona að fæða barn sitt hljóðalaust og segir Cruise það snúast um að virðing sé borin fyrir móðurinni.
Cruise, sem er nú 43 ára, á tvö ættleidd börn fyrir en þetta er fyrsta barn þeirra Holmes, en hún er 16 árum yngri en hann. Þau ætla að gifta sig í sumar eða haust. Fréttavefur BBC segir af þessu.

Innskot mitt: Er ekki málið bara að stinga honum inn á geðdeild!

Búin að borða eitt páskaegg nr. 6 frá Nóa - og fór létt með það! ;)

Málsháttur:

"Sá hlær best sem síðast hlær" - muhahahahaha....

Tíminn líður hratt...

á gervihnattaöld....

og ballið heldur áfram...

Smá fróðleikskorn í tilefni dagsins: í Færeyjum eru aðeins 4 umferðarljós, í staðinn fyrir að nota umferðarljós nota þeir hringtorg! Ég er að spá í að taka bara bílprófið í Færeyjum! ;)

I feel like an idiot.

Veðrið...

Ég hef ekkert að segja. Þegar maður hefur ekkert að segja, þá er alltaf hægt að tala um veðrið! Veðrið var stórfurðulegt í dag. Skiptust á skin og skúrir. Fór í göngutúr og fékk allan pakkann: sól, rigningu og haglél! Maður fær á tilfinninguna að veðurguðirnir séu eitthvað óákveðnir eða kannski eru þeir bara að stríða okkur? ;)

Þessar ömmur...

Ég er búin að vera löt í dag. Dagurinn var tíðindalítill. Amma kom reyndar í heimsókn, með kærastan og lék á alls oddi, að vanda. Hún sagði að ég liti vel út, sem hlýtur að vera góðs viti, því hún segir nánast undantekningarlaust að ég líti illa út, þegar ég hitti hana. Svo spyr hún alltaf hvort ég taki ekki örugglega vítamín. Í dag spurði hún hins vegar: "Ertu sem sagt farin að taka inn vítamín?" Frekar fyndið. :D

Í fréttum er þetta helst....

*Stundum held ég að ég sé "retarted", er svo ótrúlega lengi að lesa. Dauðsé eftir því að hafa ekki farið á hraðlestrarnámskeið, sem boðið var upp á í Kvennó á sínum tíma.

*Toppur dagsins: gönguferð í dalnum og ógeðslega góður hamborgari, sem ég borðaði í kvöldmat.

*Næst á dagskrá: fara að sofa og reyna að taka daginn snemma í fyrró.

*Að lokum: við þá sem eru á djamminu vil ég segja: "Gangið hægt um gleðinnar dyr!" :D

Þannig er nú það....

*Ég veit ekki hvað varð um þennan dag. Ég var komin á fætur rétt fyrir 9 í morgun og næst þegar ég leit á klukkuna var hún orðin 5!

*Það er ágætis veður úti, mæli með því að fólk taki sér göngutúr í góða veðrinu og andi að sér frísku lofti! ;)

*Svo er Idolið í kvöld. Aldeilis spennandi. Eitthvað segir mér að Ína vinni, þó ég voni vissulega að Snorri taki þetta! ÁFRAM SNORRI!

Það er húmor í þessu...

Sporðdreki (23. október - 21. nóvember): Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndunarveikur og tortrygginn, móðgast út af engu og gerir úlfalda úr mýflugu. Lífið er annað hvort frábært eða ómögulegt. Þú ert eins og biluð plata, stöðugt að spila sama lagið.

Dansi, dansi dúkkan mín...

Ég fór á hressandi og skemmtilega danssýningu í gærkvöldi í Borgarleikhúsinu, þar sem systur mínar fóru á kostum. Þær eru tvímælalaust dansarar framtíðarinnar, í mínum huga, enda eiga þær ekki langt að sækja danshæfileikana! ;)

Annars þá er ég að spá í að taka smá áhættu og lita hárið á mér ljós brúnt! Þori því nú samt varla. Svo ég vitni nú í eina "fræga" Bleikt og blátt stjörnu, þá er ég bara orðinn lang þreytt á allri athyglinni sem ég fæ frá strákunum. Ég meina ég er manneskja með tilfinningar en ekki kyntákn. *grín*

En jæja partýið verður að halda áfram!

Hnakkamella

Þessi dagur hefur verið tíðindalítill.

Setti á mig brúnkukrem til að lífga aðeins upp á útlitið og ég lít núna út eins og hnakkamella.

Áfram með partýið....

Spámaður.is

8 stafir

Talan fjórir margfölduð með tveimur segir til um fjárhagslegt öryggi þitt og jafnvægi. Áttan táknar veraldleg gæði sem í þessu tilfelli tengjast líðan þinni á jákvæðan hátt. Þér er ráðlagt að treysta því að hlutirnir verði eins og þú ein/n vilt og að þér sé ætlað stærra hlutverk en þú sinnir í dag.Endir er á bið sem hefur einkennt umhverfi þitt og líðan þína nýverið. Útkoman uppfyllir óskir þínar og þrár. Málin taka stökkbreytingum á skömmum tíma.

L fyrir Looser

Tiltekinn aðili veldur mér þó nokkrum vonbrigðum. Ef hann leggur fyrir sig pólitíkina í framtíðinni, þá ætla ég EKKI að kjósa hann. Verst að við erum með mjög sambærilegar pólitískar skoðanir.

Helgin...

Í dag er mánudagur og skemmtileg helgi að baki. Á föstudagskvöldið horfði ég á Idol með familíunni og hoppaði hæð mína af gleði yfir því að Snorri skyldi komast áfram. Hann er bara svo ótrúlega sætur og góður söngvari! ;) Vona að hann vinni keppnina, en þá mun ég pottþétt kaupa diskinn hans! Á laugardagskvöldið var síðan vinkonu hittingur hjá Frú Ástu, sem eldaði fyrir okkur dýrindis máltíð með indversku ívafi. Ekkert smá gott. Takk fyrir mig! Hlógum svo af myndum og video frá síðasta djammi, þar sem sumir voru skrautlegri en aðrir.(nefni engin nöfn) Helstu umræðuefni kvöldsins voru: síma-sex, barneignir og tilteknar sms-sendingar, þar sem orðið sætabrauðsdrengur kom við sögu. Mér er einnig minnistæð skrautleg leigubílaferð, þar sem sumir voru í S-inu sínu. Vaknaði síðan hress og endurnærð á sunnudeginum og kúrði með eiginmannsefninu fram eftir degi, átum nammi og gláptum á imbann. Um kvöldið fórum við í mat til tengdó, þar sem dýrindis purusteik var á boðstólum. (mmmm....) En í dag er víst mánudagur og löngu komin tími til að spýta í lófana. Þarf að reifa 24 dóma í dag. Áfram með partýið. Takk fyrir og bless.